ಮೂಡ್ಲಕಟ್ಟೆ, 16 ನವೆಂಬರ್ 2024: ಉಡುಪಿ ಜಿಲ್ಲೆಯಲ್ಲಿ ಪ್ರಪ್ರಥಮವಾಗಿ ಪದವಿ ಪೂರ್ವ ವಿದ್ಯಾರ್ಥಿಗಳಿಗೆ ಜರುಗಿದ ರಾಜ್ಯಮಟ್ಟದ ಫೆಸ್ಟ್ ನಾವೊಂನ್ಮೇಶ್ ಅದ್ದೂರಿಯಾಗಿ ಸಂಪನ್ನಗೊಂಡಿತು. ಮದರ್ ತೆರೇಸಾ ಪಿಯು ಕಾಲೇಜ್ ಶಂಕರನಾರಾಯಣ ಚಾಂಪಿಯನ್ ಹಾಗೂ ಶ್ರೀ ವೆಂಕಟರಮಣ ಪಿಯು ಕಾಲೇಜ್ ಕುಂದಾಪುರ ದ್ವಿತೀಯ ಸ್ಥಾನ ಅಲಂಕರಿಸಿತು.
ಪ್ರತಿಭಾನ್ವಿತ ಪಿಯುಸಿ ವಿದ್ಯಾರ್ಥಿಗಳಿಗೆ ವಿನೂತನ ಮತ್ತು ವಿಭಿನ್ನ ಪ್ರಯತ್ನದೊಂದಿಗೆ ವೇದಿಕೆಯನ್ನು ಒದಗಿಸಿಕೊಟ್ಟ ಐಎಂಜೆ ವಾಣಿಜ್ಯ ಮತ್ತು ವಿಜ್ಞಾನ ಸಂಸ್ಥೆ ಮೂಡ್ಲಕಟ್ಟೆ, ಸ್ಪರ್ಧೆಯನ್ನು ಐಟಿ, ವಾಣಿಜ್ಯ ಮತ್ತು ಸಾಂಸ್ಕೃತಿಕ ಎಂಬ ಮೂರು ವಿಭಾಗವಾಗಿ ವಿಂಗಡಿಸಿ, 13 ಸ್ಪರ್ಧೆಯನ್ನು ಏರ್ಪಡಿಸಿತ್ತು. ರಾಜ್ಯದ ವಿವಿಧ ಭಾಗದ 20 ಕಾಲೇಜಿನ 550 ಹೆಚ್ಚಿನ ವಿದ್ಯಾರ್ಥಿಗಳು ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದರು.
ಸಮಾರೋಪ ಸಮಾರಂಭದ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಮಾತನಾಡಿದ ಉಡುಪಿ ಜಿಲ್ಲೆಯ ಹೆಚ್ಚುವರಿ ಸಹಾಯಕ ಪೊಲೀಸ್ ಅಧೀಕ್ಷಕರಾದ ಶ್ರೀ ಪರಮೇಶ್ವರ್ ಎ.ಹೆಗಡೆ, ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡುತ್ತಾ ವಿದ್ಯಾರ್ಥಿ ಜೀವನದಲ್ಲಿ ಇಂತಹ ಅವಕಾಶವನ್ನು ಉಪಯೋಗಿಸಿಕೊಂಡು ಉತ್ತಮ ವೃತ್ತಿ ಜೀವನ ಕಟ್ಟಿಕೊಳ್ಳಬೇಕು, ಮಾದಕ ವ್ಯಸನ, ಸೈಬರ್ ಅಪರಾಧ ಕೃತ್ಯವನ್ನು ತಡೆಗಟ್ಟುವಲ್ಲಿ ವಿದ್ಯಾರ್ಥಿಗಳ ಪಾತ್ರ ಮಹತ್ವ ಎಂದರು. ಇದೇ ಸಂದರ್ಭದಲ್ಲಿ ಡಿಜಿಟಲ್ ಅರೆಸ್ಟ್ ಕುರಿತ ಮಾಹಿತಿಯನ್ನು ಹಂಚಿಕೊಂಡರು. ಅದ್ಭುತವಾಗಿ ಕಾರ್ಯಕ್ರಮವನ್ನು ಆಯೋಜಿಸಿದ ಸಂಸ್ಥೆಯನ್ನು ಅಭಿನಂದಿಸಿದರು.
ಇನ್ನೋರ್ವ ಅತಿಥಿಯಾಗಿ ಭಾಗವಹಿಸಿದ ರೋಬೊಸಾಫ್ಟ್ ಕಂಪನಿಯ HR-Lead- Human Possibilities, ಶ್ರುತಿ ರೇಷಲ್ ಡಿಸೋಜಾ, ಕಾಲೇಜು ಆಯೋಜಿಸುವ ಇಂತಹ ಕಾರ್ಯಕ್ರಮಗಳು ವಿದ್ಯಾರ್ಥಿಗಳಲ್ಲಿ ನಾಯಕತ್ವ ಗುಣ, ಉತ್ತಮ ನಾಗರಿಕರಾಗಲು ಸಹಕರಿಸುತ್ತದೆ, ಜೀವನದಲ್ಲಿ ನೀವೆಲ್ಲರೂ ಆಯ್ಕೆಯನ್ನು ಹೊಂದಿದ್ದೀರಿ, ನಿಮ್ಮ ಆಯ್ಕೆ ನಿಮ್ಮ ಜೀವನವನ್ನು ರೂಪಿಸುತ್ತದೆ, ನಿಮ್ಮ ಪ್ರತಿಭೆ ಮತ್ತು ಸಾಧನೆ ಪ್ರಪಂಚಕ್ಕೆ ಉತ್ತಮ ಕೊಡುಗೆಯನ್ನು ನೀಡಲಿ ಎಂದು ಹಾರೈಸಿದರು.
ಸಭೆಯ ಅಧ್ಯಕ್ಷತೆಯನ್ನು ವಹಿಸಿದ್ದ ಕಾಲೇಜಿನ ಪ್ರಾಂಶುಪಾಲರಾದ ಡಾ. ಪ್ರತಿಭಾ ಎಂ ಪಟೇಲ್ ಭಾಗವಹಿಸಿದ ಮತ್ತು ವಿಜೇತರಾದ ಪ್ರತಿ ವಿದ್ಯಾರ್ಥಿಗಳಿಗೂ ಶುಭ ಹಾರೈಸಿದರು. ಕಾಲೇಜಿನ ಉಪ ಪ್ರಾಂಶುಪಾಲರಾದ ಜಯಶೀಲ್ ಕುಮಾರ್ ರವರು ಅತಿಥಿಗಳನ್ನು ಪರಿಚಯಿಸಿ ಸ್ವಾಗತಿಸಿದರು. ಕಾಲೇಜಿನ ಗಣಿತಶಾಸ್ತ್ರ ಉಪನ್ಯಾಸಕಿ ರಕ್ಷಿತಾ ಅಡಿಗ ವಿಜೇತರ ಪಟ್ಟಿ ಓದಿದರು. ಅಂತಿಮ ಬಿಸಿಎ ವಿದ್ಯಾರ್ಥಿಗಳಾದ ರಿಯಾನ್ ಮತ್ತು ಫರ್ಜಾನ ಕಾರ್ಯಕ್ರಮ ನಿರೂಪಿಸಿದರು. ಪ್ರಥಮ ಬಿಸಿಎ ವಿದ್ಯಾರ್ಥಿನಿ ಶ್ರೀರಕ್ಷಾ ವಂದಿಸಿದರು.
ಸ್ಪರ್ಧಾ ವಿಜೇತರ ವಿವರ:
1. ಐಟಿ ರಸಪ್ರಶ್ನೆ
ಪ್ರಥಮ- ಎಸ್ ವಿ ಕಾಲೇಜು ಗಂಗೊಳ್ಳಿ.
ದ್ವಿತೀಯ – ಮದರ್ ತೆರೇಸಾ ಶಂಕರನಾರಾಯಣ.
2. ವಿಡಿಯೋಗ್ರಫಿ
ಪ್ರಥಮ- ಮದರ್ ತೆರೇಸಾ ಕಾಲೇಜು ಶಂಕರನಾರಾಯಣ.
ದ್ವಿತೀಯ – ಶ್ರೀ ವೆಂಕಟರಮಣ ಕಾಲೇಜು ಕುಂದಾಪುರ.
3. ಕೊಲಾಜ್ ಮೇಕಿಂಗ್
ಪ್ರಥಮ- ಮದರ್ ತೆರೇಸಾ ಕಾಲೇಜು ಶಂಕರನಾರಾಯಣ.
ದ್ವಿತೀಯ – ಶ್ರೀ ವೆಂಕಟರಮಣ ಕಾಲೇಜು ಕುಂದಾಪುರ.
4. ಎರರ್ ಡೀಬಗಿಂಗ್
ಪ್ರಥಮ- ಜನತಾ ಕಾಲೇಜು ಹೆಮ್ಮಾಡಿ.
ದ್ವಿತೀಯ – ಶ್ರೀ ವೆಂಕಟರಮಣ ಕಾಲೇಜು ಕುಂದಾಪುರ.
5. ಕಾಮರ್ಸ್ ಕ್ವಿಜ್
ಪ್ರಥಮ – ಶ್ರೀ ವೆಂಕಟರಮಣ ಕಾಲೇಜು ಕುಂದಾಪುರ.
ದ್ವಿತೀಯ – ಜನತಾ ಕಾಲೇಜು ಹೆಮ್ಮಾಡಿ.
6. ಬ್ರಾಂಡ್ ರಂಗೋಲಿ
ಪ್ರಥಮ – ಮದರ್ ತೆರೇಸಾ ಕಾಲೇಜು ಶಂಕರನಾರಾಯಣ.
ದ್ವಿತೀಯ – ಎಸ್ ವಿ ಕಾಲೇಜು ಗಂಗೊಳ್ಳಿ.
7. ಮ್ಯಾಡ್ ಯಾಡ್
ಪ್ರಥಮ – ಶ್ರೀ ವೆಂಕಟರಮಣ ಪಿಯು ಕಾಲೇಜು ಕುಂದಾಪುರ.
ದ್ವಿತೀಯ – ಮದರ್ ತೆರೇಸಾ ಕಾಲೇಜು ಶಂಕರನಾರಾಯಣ.
8. ಗುಂಪು ಹಾಡುಗಾರಿಕೆ
ಪ್ರಥಮ – ಶ್ರೀ ವೆಂಕಟರಮಣ ಕಾಲೇಜು ಕುಂದಾಪುರ.
ದ್ವಿತೀಯ – ತೌಹೀದ್ ಗರ್ಲ್ಸ್ ಪಿ. ಯು ಕಾಲೇಜು ಗಂಗೊಳ್ಳಿ.
9. ನೃತ್ಯ ಸ್ಪರ್ಧೆ
ಪ್ರಥಮ – ಮದರ್ ತೆರೇಸಾ ಪಿಯು ಕಾಲೇಜ್ ಶಂಕರನಾರಾಯಣ.
ದ್ವಿತೀಯ – ಜನತಾ ಕಾಲೇಜು ಹೆಮ್ಮಾಡಿ.
10. ಏಕಪಾತ್ರ ಅಭಿನಯ
ಪ್ರಥಮ- ಮದರ್ ತೆರೇಸಾ ಕಾಲೇಜು ಶಂಕರನಾರಾಯಣ.
ದ್ವಿತೀಯ – ಶ್ರೀ ವೆಂಕಟರಮಣ ಕಾಲೇಜು ಕುಂದಾಪುರ.
11. ಮುಖ ಚಿತ್ರಕಲೆ
ಪ್ರಥಮ – ಜನತಾ ಕಾಲೇಜು ಹೆಮ್ಮಾಡಿ.
ದ್ವಿತೀಯ – ಸರಕಾರಿ ಪಿಯು ಕಾಲೇಜು ಬೈಂದೂರು
12. ಸಾಂಸ್ಕೃತಿಕ ಸ್ಪರ್ಧೆ ( ವೆರೈಟಿ ಶೋ )
ಪ್ರಥಮ – ಮದರ್ ತೆರೇಸಾ ಕಾಲೇಜು ಶಂಕರನಾರಾಯಣ
ದ್ವಿತೀಯ – ಜನತಾ ಕಾಲೇಜು ಹೆಮ್ಮಾಡಿ.
13. ನಿಧಿ ಶೋಧ ಸ್ಪರ್ಧೆ
ಪ್ರಥಮ – ಎಸ್ ವಿ ಕಾಲೇಜು ಗಂಗೊಳ್ಳಿ.
14. ಉತ್ತಮ ನಿರೂಪಕ ಪ್ರಶಸ್ತಿ
ಜನತಾ ಕಾಲೇಜು ಹೆಮ್ಮಾಡಿ.
